今朝早。走響我前面的男生。T-shirt 的背面大大隻字印上書法字樣。「海人」。海人正正就是我自己。由細到大。每到有水有海嘅活動。都會雀躍參與。甚至經常被朋友笑話我。你只係活動於水平綫及以下。每年都花十天八天去潛水。其餘遇到一兩天工餘時間。偶有選擇約魚。約埋五六個志同道合。背住一大袋釣魚工具。又過關又大巴。去到偏遠嘅漁村。等待第二日一清早上艇出海。釣魚過程總係考驗你嘅耐性。仲搞埋你個EQ。除左送上烈日當空。有時也回贈個狂風暴雨。加埋優惠禮品：白果（兩手空空回程）絕對無得頂。就算幾多魚鑊及流左幾多汗水。失敗過多少次都唔係重點。同一班認識好耐嘅朋友。吃餐飯。宵個夜。談近況。講從前。笑當年。玩現在。互相搞鬼。相互搗旦。長不大的男人。嘻嘻哈哈玩上一個晚上。海人就係這個底子。與海為鄰。靠海為生。夜晚結伴圍座舉著Sakai 彈著三玄線嘅流球人。
這是五月頭公司派給每個員工的任務，錄出一段三分鐘自己的開心事，看似簡單不過的任務，對一向不擅辭令的我來說，簡直噩夢，一遲再遲，在指定的日期後兩星期才匆匆完成。上面的就是準備的讀稿，本以為依稿讀出，好讓任務順利點，最後還是讀來斷斷續續，意思沒了一大半才錄好。
公司就想每個同事在這昏沉的疫境中，令自己振作，開懷，正向開來，謝謝你。
